Bakı. Trend:
Azərbaycanda ərzaq məhsullarının qiyməti mart ayında
stabilləşib.
Bu barədə Trend-ə İqtisadi və Sosial İnkişaf Mərkəzindən (CESD)
məlumat verilib.
Mərkəzin keçirdiyi monitorinqə əsasən, 2024-cü ilin mart ayında
istehlak bazarında ən yüksək qiymət artımları qeyri-ərzaq
məhsullarında qeydə alınıb. Ərzaq məhsullarının qiyməti mart ayında
stabilləşib. Bu, idxal inflyasiyasının nisbətən səngiməsi və ərzaq
məhsullarına tələbin optimallaşması ilə bağlıdır. İllik inflyasiya
4.6 faiz olub.
Qeyd edək ki, ümumilikdə ölkə üzrə 2024-cü ilin mart ayında
istehlak qiymətləri indeksi 2023-cü ilin mart ayına nisbətən 100,4
faiz təşkil edib. 2024-cü ilin mart ayında istehlak qiymətləri
indeksi əvvəlki aya nisbətən 100,2 faiz, yanvar-mart aylarında isə
əvvəlki ilin müvafiq dövrünə nisbətən 101,0 faiz təşkil edib. Eyni
zamanda 2024-сü ilin yanvar-mart aylarında tikinti materiallarının
istehsalın ümumi dəyəri 274,6 milyon manat olmaqla, əvvəlki ilin
müvafiq dövrü ilə müqayisədə 34,4 faiz artıb.
