Milli Hidrometeorologiya Xidməti avqustun 31-i üçün hava proqnozunu açıqlayıb. Bakı və Abşeron yarımadasında bəzi yerlərdə yağış yağacağı, yağışın arabir leysan xarakterli ola biləcəyi, yarımadanın ayrı-ayrı yerlərində şimşək çaxacağı, axşam isə intensiv və qısa müddətli yağıntı ehtimalı bildirilir.
Proqnoza görə, arabir güclənən şimal-qərb küləyi əsəcək. Havanın temperaturu gecə 20–23° isti, gündüz 24–26° isti, atmosfer təzyiqi 761 mm civə sütunu, nisbi rütubət 70–80% təşkil edəcək.
Azərbaycanın rayonlarında bəzi yerlərdə arabir yağış gözlənilir; ayrı-ayrı yerlərdə qısamüddətli leysan xarakterli intensiv yağış, şimşək və dolu ehtimalı var. Gecə və səhər bəzi dağlıq ərazilərdə arabir duman müşahidə edilə bilər.
Rayonlarda proqnozlaşdırılan temperatura görə gecə 18–23° isti, gündüz 25–29° isti olacaq; dağlarda gecə 11–16° isti, gündüz 19–24° isti gözlənilir.
Mənbə: az.trend.az