Bakı. Trend:
İyunun 3-də İranın Tehran şəhərində yerləşən Beynəlxalq Mehrabad
Aeroportu uçuşları 5 saatlıq müddətinə dayandıracaq.
Trend-in məlumatına görə, bunu İranın Mehrabad aeroportunun icra
direktoru İbrahim Moradi deyib.
Onun sözlərinə görə, İran İslam Respublikasının banisi Ayətulla
Ruhulla Xomeyninin vəfatının ildönümü ilə əlaqədar yerli vaxtla
08:00-13:00 aralığında Mehrabad hava limanından uçuşların həyata
keçirilməsi qadağandır.
Moradi bununla əlaqədar bütün hava yolları şirkətlərinə məlumat
verildiyini diqqətə çatdırıb.
Qeyd edək ki, İran İslam Respublikasının banisi Ayətulla Ruhulla
Xomeyni 1989-cu il 3 iyunda vəfat edib.
