AVRO-2024-ün 1/8 final həyəcanı Almaniya – Danimarka matçı ilə davam edəcək.
Apasport.az xəbər verir ki, Almaniya – Danimarka qarşılaşması saat 23:00-da “Siqnal İduna Park” stadionunda keçiriləcək.
Matçı ingiltərəli referi Maykl Oliver idarə edəcək.
Danimarka qrup mərhələsindəki çıxışı ilə diqqət çəkdiyi halda, keçirdiyi hər üç matç heç-heçə ilə başa çatıb. Qrup mərhələsində 8 qol vuran və öz qapısından cəmi 2 top keçirən ev sahibi Almaniya turnirin favoritlərindəndir. Almaniya Danimarka maneəsini dəf edərək 1/4 finala yüksəlmək istəyir.
Qeyd edək ki, Almaniya – Danimarka görüşünün qalibi İspaniya – Gürcüstan matçının qalibi ilə qarşılaşacaq.
AVRO-2024
1/8 final
29 iyun
23:00. Almaniya – Danimarka 0:0 (Birinci hissə)
Baş hakim: Maykl Oliver (İngiltərə).
Dortmund, “Siqnal İduna Park” stadionu.
***
23:53
AVRO-2024-də 1/8 final mərhələsinin Almaniya – Danimarka görüşü yarımçıq dayandırılıb.
Apasport.az xəbər verir ki, buna səbəb pis hava şəraiti olub.
Güclü yağış və şimşək çaxması üzündən baş hakim Maykl Oliver komandaları soyunub-geyinmə otağına göndərib.
