NATO ölkələrinin effektiv müdafiəsi üzrə yeni plana əsasən sayı 50-yə qədər olacaq yeni briqadanın formalaşması tələb olunur.
APA-nın “Reuters”ə istinadən xəbərinə görə, bununla bağlı planları alyansdakı hərbi mənbələr mətbuata sızdırıb.
NATO ölkələrinin Rusiyanı əsas təhlükə kimi görməklə bağlı strategiyasında hər hansı dəyişiklik yoxdur.
O da bildirilib ki, hazırda NATO daxilindəki ekspertlər Rusiyadan yönələ biləcək təhlükəyə daha ciddi yanaşmaq məsələsini nəzərdən keçirir. Bunu nəzərə alaraq Almaniya hökuməti hava hücumundan müdafiə potensialını 4 dəfə artırmaqla bağlı qərar qəbul edib.
