Bakı. Trend:
NATO-nun Rumıniyada hərbi bazasının tikintisində Türkiyə
şirkətləri də iştirak edəcək.
Trend xəbər
verir ki, bu barədə Türkiyə KİV məlumat yayıb.
Hazırda tərəflərin bu barədə danışıqlar apardığı bildirilir.
Xatırladaq ki, ötən gün “Euronews” Rumıniyada NATO-nun ən böyük
hərbi bazasının tikintisinin başladığına dair məlumat yayıb.
Bazanın NATO-nun Rumıniyanın cənub-şərqindəki aviabazasının
genişləndirilməsi hesabına yaradılacağı qeyd olunub. Rumıniya
hökuməti bu məqsədlə 2,5 milyard avro vəsait ayırıb.
“2,5 milyard avro dəyərində layihəyə uçuş-eniş zolaqları, silah
platformaları, hərbi təyyarələr üçün anqarlar, eləcə də, məktəblər,
uşaq bağçaları, mağazalar və hətta xəstəxana da daxildir”, – deyə
məlumatda qeyd olunub.
Genişləndiriləndən sonra bazanın sahəsinin 2,8 min hektar
olacağı bildirilib.
