Bakı. Trend:
Yunanıstanın bir sıra bölgələrində baş verən meşə yanğınları
səbəbindən minlərlə insan evlərini tərk etmək məcburiyyətində
qalıb.
Trend-in məlumatına görə, bu barədə “EFE” agentliyi xəbər
verib.
Məlumata əsasən, hazırda ölkədə 60-dan çox meşə yanğını var və
onların əksəriyyəti nəzarət altındadır.
Afina yaxınlığında çətin vəziyyət yaranıb, burada 150-dən çox
yanğınsöndürən 45 ədəd yerüstü xüsusi texnikanın, həmçinin
yanğınsöndürmə təyyarələrinin dəstəyi ilə yanğınla mübarizə
aparır.
“İrəliləyiş müşahidə olunsa da, vəziyyət çətin olaraq qalır”, –
deyə yanğınsöndürmə xidmətindən bildiriblər.
