İsrail Ordusunun Qəzza zolağının cənub və şimal hissələrinə endirdiyi zərbələr nəticəsində azı 6 fələstinli ölüb, çox sayda yaralı var.
APA xəbər verir ki, bu barədə Fələstinin “WAFA” xəbər agentliyi məlumat yayıb.
Məlumata görə, İsrail döyüş təyyarələrinin Rəfah şəhərində avtomobili bombalaması nəticəsində 3 nəfər həlak olub.
Qəzzanın ətrafında bir evin bombalanması nəticəsində isə daha 3 dinc sakin həlak olub, bir neçə nəfər isə yaralanıb.
Agentlik bildirib ki, Qəzzanın şimal hissəsində israilli hərbçilər Cəbəliyə qaçqın düşərgəsində də bir neçə evi partladıblar.
