HƏMAS-ın Qətərin Qəzza zolağında nizamlanma ilə bağlı təklifinə etdiyi düzəlişlər İsrail üçün qəbuledilməzdir.
APA xəbər verir ki, bu barədə baş nazir Benyamin Netanyahunun ofisinin bəyanatında deyilir.
“HƏMAS-ın Qətərin təklifinə etdiyi düzəlişlər bizə çatdırılıb və bunlar İsrail üçün qəbuledilməzdir”, – bəyanatda deyilir.
Baş nazirin ofisi qeyd edib ki, İsrail artıq Qətərin təşəbbüsünü qəbul edib.
Ofis əlavə edib ki, kabinet rəhbəri vəziyyətin qiymətləndirilməsi fonunda Qətərə nümayəndə heyəti göndərmək qərarına gəlib.
