Naxçıvanda müayinəyə gələn hamilə Perinatal Mərkəzdə vəfat edib.
APA-nın yerli bürosu xəbər verir ki, hadisə Naxçıvan şəhərində baş verib. Belə ki, 1999-cu il təvəllüdlü Teymurova Aysel Taleh qızı Naxçıvan Perinatal Mərkəzinə müayinə üçün gəlib. Hamilə olduğu bildirilən qadının anidən halı pisləşib. Mərkəzdə göstərilən tibbi müdaxilələrə baxmayaraq, 26 yaşlı qadını xilas etmək mümkün olmayıb.
Hazırda faktla bağlı Naxçıvan Şəhər Prokurorluğunda araşdırma aparılır.
Müayinəyə gələn hamilə Naxçıvan Perinatal Mərkəzində vəfat edib
