The Wall Street Journal yazır ki, ABŞ Quru Qoşunları naziri Daniel Driskol Pentaqon rəhbəri Pit Heqsetlə bir neçə ay davam edən fikir ayrılıqlarından sonra vəzifəsindən istefa ərizəsi verib və yaxın günlərdə vəzifəsini tərk edəcəyi bildirilir.
Qəzet eyni zamanda Ağ Evin nümayəndəsi Anna Kellinin Driskolun prezident Trampın gündəliyinin icrasında və Quru Qoşunlarının döyüş hazırlığına və zərbə imkanlarına diqqətin bərpasında rolu olduğunu vurğuladığını qeyd edir.
Mənbələrə istinadən NBC News daha əvvəl xəbər verib ki, Driskol bu ilin sentyabrında istefa etmək istədiyini bildirmiş, lakin administrasiya onun ən azı ilin sonunadək vəzifədə qalmasını istəyib.
The Wall Street Journal bildirir ki, 2025-ci ilin noyabrında Tramp Driskolu Ukraynada münaqişənin nizamlanması üzrə nümayəndə heyətinə daxil edib və 2026-cı ilin fevralında o, Cenevrədə Moskva, Kiyev və Vaşinqton arasında keçirilən üçtərəfli danışıqlarda iştirak edib.
The Hill-in məlumatına görə, Pentaqon rəhbəri Heqset bu vəzifəyə ictimaiyyətlə əlaqələr üzrə köməkçisi Şon Parnellin təyinatını nəzərdən keçirir.
Mənbə: az.trend.az