Səudiyyə Ərəbistanı Pro Liqasının beşinci turunda “Əl-İttihad” doğma meydanda “Əl-Nəsr”i 2:1 hesabı ilə məğlub edib.
Meydan sahibləri 4-cü dəqiqədə Corc İlenikenanın qolu ilə hesabı açıblar; həmin oyunçu 22-ci dəqiqədə ikinci dəfə fərqlənərək komandasını 2:0 öndə qoyub.
“Əl-Nəsr” 36-cı dəqiqədə fərqi azaltıb — Kriştianu Ronaldunun ötürməsindən sonra Anjelo qol vurub. Qonaqlar matçın sonuna qədər bərabərləşdirə bilməyiblər.
Bu nəticədən sonra turnir cədvəlinə görə “Əl-Nəsr” 12 xalla ikinci, “Əl-İttihad” isə 11 xalla dördüncü pillədədir.
Mənbə: az.trend.az