Meksikada ənənəvi bayram tədbiri zamanı kilsənin ərazisində saxlanılan pirotexniki vasitələrin partlaması nəticəsində azı 10 nəfər həlak olub, 60-dan çox insan yaralanıb, yerli hakimiyyət orqanları bildirir.
Hadisə şənbə günü axşam Mexiko ştatının Santa-Mariya-Kançesda bələdiyyəsində baş verib. Rəsmi məlumata görə, partlayış kilsənin ərazisində anbar kimi istifadə olunan otaqda saxlanan pirotexnikanın partlaması nəticəsində baş verib.
Yerli KİV-lərin yaydığı videolarda tədbir iştirakçıları ənənəvi şəkildə pirotexnika ilə doldurulmuş “buğa”nı yandırarkən partlayışın baş verdiyi və alovun meydana yayıldığı görünür; güclü partlayışdan sonra insanlar alovdan qaçıblar.
Məhallı hakimiyyət orqanları xilasetmə və təcili yardım işlərini həyata keçirdiklərini, yaralıların xəstəxanalara çatdırıldığını bildiriblər. Hadisənin dəqiq səbəbləri və ölənlərin sayı ilə bağlı əlavə məlumat araşdırma tamamlandıqdan sonra açıqlanacaq.
Mənbə: az.trend.az