Şuşada üçüncü ildir ki baş tutan beynəlxalq uşaq yaradıcılıq festivalı gələcəkdə türk xalqları uşaqları arasında dostluq əlaqələrini möhkəmləndirəcək.
Bunu APA-ya müsahibəsində Elm və Təhsil nazirinin müavini Firudin Qurbanov deyib.
Həmçinin nazir müavini keçirilən festivalın böyük əhəmiyyəti olduğunu diqqətə çatdırıb:
“Eyni zamanda uşaqlar bu festivalda öz yaradıcılığını nümayiş etdirirlər. Bu çox önəmlidir. Gələcəkdə yaradıcı uşaqların ölkənin inkişafında çox böyük əhəmiyyət daşıdığını bilməliyik. Buna görə də çalışmalıyıq ki, ölkəmizdə bununla bağlı bir sistem yaradaq”.
