Prezident İlham Əliyev Roş ha-Şana bayramı münasibətilə Azərbaycanın yəhudi icmasına müraciət ünvanlayıb; müraciətin mətni dövlət başçısının rəsmi internet saytında dərc edilib.
Müraciətdə qeyd olunur ki, Azərbaycan tarixən müxtəlif sivilizasiyaların qovuşduğu məkan olub və burada xalqlar və etiqadlar arasında qarşılıqlı hörmət və etimada əsaslanan münasibətlər formalaşıb.
Dövlət başçısı bildirir ki, müasir Azərbaycanda dilindən, dinindən və etnik mənsubiyyətindən asılı olmayaraq hər kəsin fundamental insan hüquq və azadlıqları üçün demokratik-hüquqi şərait təmin olunub.
Müraciətdə həmçinin vurğulanır ki, yəhudi icması milli-mənəvi dəyərlərini, dil və mədəniyyətini qoruyub-saxlayır və ölkənin sosial-mədəni həyatında iştirak edir.
Prezident Roş ha-Şana münasibətilə bayram təbriklərini çatdıraraq ailələrə xoşbəxtlik və xeyir-bərəkət arzulayıb.
Mənbə: az.trend.az