Ermənistanın xarici işləri naziri Ararat Mirzoyan Bakı və İrəvan arasında anklav və eksklavların mübadiləsi ehtimalını istisna etməyib. O, bunu ATƏT-in fəaliyyətdə olan sədri, İsveçrə vitse-prezidenti İnyatsio Kassis ilə birgə mətbuat konfransında jurnalistlərin sualına cavab olaraq bildirib.
Mirzoyan deyib ki, keçmiş anklavlar məsələsinin həlli üçün müxtəlif variantlar mövcuddur və tərəflər bu məsələyə konstruktiv yanaşırlar.
Nazir qeyd edib ki, anklavlardan biri bir ölkənin, digəri isə digər dövlətin tərkibində qala bilər; onlar mübadilə oluna və ya başqa variantlar nəzərdən keçirilə bilər.
Qeyd olunur ki, bundan əvvəl Ermənistanın baş naziri Nikol Paşinyan da sosial media hesabında anklav və eksklavların mübadiləsi ehtimalından danışmışdı. Mənbədə hazırda konkret qərarların qəbul olunması barədə məlumat verilmir.
Mənbə: az.trend.az