Rəşid Behbudov adına Mahnı Teatrında Azərbaycan jurnalistlərinin IX qurultayı keçirilir və Trend-in tədbirdəki müxbirinin bildirdiyinə görə, ümumilikdə 225 nümayəndə iştirak edir.
Mətbuat Şurasına üzv təşkilatlar tərəfindən təqdim olunan namizəd anketlərinin əsasında Şuranın İdarə Heyətinə namizədlər müəyyənləşdirilib.
Hazırkı İdarə Heyətinin bəzi üzvləri — Rəşad Məcid, Əflatun Amaşov, Qulu Məhərrəmli, Umud Rəhimoğlu, Aydın Quliyev, Rauf Arifoğlu, Elçin Mirzəbəyli, Vüsalə Mahirqızı, Aqil Ələsgər, Ceyhun Musaoğlu, Alqış Musayev, Akif Aşırlı və Yadigar Məmmədli — seçki bülleteninə daxil edilməmələri barədə müraciət ediblər.
Nəticədə, Mətbuat Şurasının 23 nəfərlik İdarə Heyətində 13 yer üzrə dəyişiklik olacağı gözlənilir.
Mənbə: az.trend.az