[ad_1]
Bakı. Trend:
Fransa Azərbaycana atəş açmaq üçün hər fürsətdən istifadə etməyə
çalışır. Rəsmi Paris bu günki gün daxilindəki xaos vəziyyəti
Avropanın aparıcı platformalarına sirayət etdirməklə Qərbin
olub-qalan ədalətlilik prinsiplərini də ayaq altına atmaqdadır.
Daha dəqiq desək, rəsmi Paris bu gün aparıcı üzvü olduğu Avropa
Şurası Parlament Assambleyası kimi qurumların gücünü öz maraqları
naminə ədalətsizcəsinə xərcləməkdən çəkinmir.
Məlum olduğu kimi, Avropa Şurasının Parlament Assambleyası
(AŞPA) Azərbaycan nümayəndə heyətinin səlahiyyətlərinin
məhdudlaşdırılması ilə bağlı qərar qəbul etdi. Azərbaycan da buna
səssiz qalmadı. Bu ədalətsiz qərara cavab olaraq isə Azərbaycan
nümayəndə heyəti AŞPA ilə əməkdaşlığı qeyri-müəyyən müddətə
dayandıraraq ötən gün iclas zalını tərk edib.
Əslində rəsmi Bakı üçün bu o qədər də gözlənilməz sayılmır.
Bakıya casus şəbəkəsi göndərən, İkinci Qarabağ müharibəsindən sonra
dayanmadan Ermənistanı hər yolla silahlandıraraq növbəti müharibəyə
hazırlamağa çalışan Fransa üçün bu cür ədalətsiz yanaşmalar sıradan
bir hadisədir. Fransa hakimiyyəti daxilində mövcud olan dözülməz
irqçilik, Azərbaycanofobiya və İslamofobiya mühiti bu gün AŞPA-ya
da artıq sirayət edib.
Təxminən 20 ilə yaxın müddətdə Azərbaycan nümayəndə heyəti
erməni işğalının ağır nəticələrini gündəmə gətirərkən sözügedən
platformadan vaxtaşırı təxminən eyni cavabı eşidirdik: AŞPA
münaqişə ilə bağlı məsələlərin müzakirəsi üçün düzgün format deyil.
İndi isə həmin AŞPA və həmin deputatlar bunun əksini deyir və
Azərbaycana hücum etmək üçün heç bir fürsəti əldən vermirlər.
Olsun! İtirən Azərbaycan olacaq? Təbii ki, xeyr. Fransa geridə
qalan 3 il ərzində rəsmi Bakı əleyhinə atdığı addımların hər
birində ağır diplomatik yenilgi aldığı kimi, bu prosesin də ağır
nəticələrini dadacaq.
AŞPA-da Azərbaycan nümayəndə heyətinin səlahiyyətlərinin
məhdudlaşdırılması ilə bağlı qərar qəbul edənlər arasındakı adlara
diqqət yetirəndə hər şey daha da aydın olur:
1. Nicole Duranton
Durantonun köməkçisi və yaxın adamı Louki-Géronimo Richou 9 iyun
2023-cü ildə həbs edilib. Onun ittiham olunduğu əməllər çox
ciddidir: təcavüz, zorakı hərəkətlər, oğurluq, zərərli maddələrin
istifadəsi, özəl həyata təhdid və ölüm təhdidləri.
Kim iddia edə bilər ki, senator Duranton köməkçisinin bu
qanunsuz əməllərindən xəbərsiz olmayıb? Öz yaxın adamının belə
qanunsuzluqlarının qarşısını almayan şəxsin Azərbaycana ağıl vermək
sevdasına düşməsi qədər absurd, sərsəm bir istək ola bilməz.
2. Marietta Karamanli
Karamanli deputat mandatından sui-istifadə etməkdə ad çıxarıb.
Manş şəhəri merinin müavini Christophe Counil onu 2020-ci ildə
bələdiyyə seçkiləri qabağı deputatlığından sui-istifadə etdiyinə
görə ittiham edib.
3. Liliana Tanguy
Liliana Tanguy lobbiçilik fəaliyyəti ilə məşğul olan
“Com’Publics” şirkətinə qeyri-rəsmi himayədarlıq edir. Hətta
“Com’Publics”in özəl tədbirlərinə də qatılır. Şirkət aqroqida və
tullantıların emal edilməsi mövzuları ilə məşğul olur. Lobbi
şirkətinə lobbiçilik edən deputat bunun qanunla qadağan
edildiyindən məgər xəbərsizdir?
4. Anne Stambach-Terrenoir
21 mart 2023-cü ildə Anne Stambach-in Parlamentdəki köməkçisi və
yaxın adamı Emma Fourreau iştirak etdiyi iğtişaşlara görə həbs
edilib. Qanunlara məhəl qoymayaraq ictimai asayişin pozulmasını
qınamayan deputatdan digər məsələlərdə necə ədalət gözləmək
olar?
5. Emmanuel Fernandes
12 sprel 2022-ci ildə Emmanuel Fernandes hələ deputat
seçilməmişdən öncə Fransa prezidenti Emanuel Makronun Strasburqdakı
əhali qarşısında çıxışı zamanı digər fəallarla birlikdə Makronun
çıxışına mane olmağa çalışıb, aqressiv hərəkətlər edərək asayişi
pozub. E.Fernandes məkandan uzaqlaşdırılıb və təhlükəsizlik
qüvvələri tərəfindən saxlanılıb.
O, deputat seçiləndən sonra isə simasını 180 dərəcə dəyişərək
Yelisey sarayının sifarişlərini icra etməyə başlayıb. Kim zəmanət
verə bilər ki, bu şəxs növbəti sifarişi yerinə yetirmir?
6. Joel Giraud
Joel Giraud bir çox tribunalarda narkotik maddələrin
istifadəsinin cinayət məsuliyyətindən azad edilməsinin tərəfdarı
olduğunu bildirib. Görəsən, narkotikin leqallaşmasını dəstəkləyən
və ondan istifadəni təşviq edən cinayətə meyilli bu deputat
Azərbaycana qarşı səs verəndə anlaqlı vəziyyətdə olub?
7. Bertrand Bouyx
Bouyux barədə bir məqamı diqqətə çatdıraq onun AŞPA-da
Azərbaycana qarşı qərar qəbul edilməsindəki fəallığının haradan
qaynaqlandığını bilmək üçün kifayət edir: Fransa Milli
Assamlbeyasında Fransa-Ermənitsan dostluq qrupunun üzvü, erməni
lobbisinin təsiri altında olan şəxslərdəndir.
11 dekabr 2023-cü ildə Ermənistan parlamentinin sədri ilə
Fransanın AŞPA-dakı nümayəndə heyətinin rəhbəri qismində görüşüb,
daima AŞPA-da Ermənistanın vəkilliyini edib.
8. İsabelle Santiago
Deputatlığa seçki vasitəsilə yiyələnməyib. Ondan qabaq deputat
olmuş Luc Carvunas eyni zamanda Alfrotville şəhərinin meri
seçildiyi üçün deputatlıqdan imtina etmişdi və öz yerinə
İ.Santiaqonu təklif etmişdi. Nəticə etibarilə seçicilər tərəfindən
seçilməyən deputat sözsüz ki, onu bu vəzifəyə təyin etdirən
erməniprəsət Luc Karvunasın sözləri ilə otrub-durur və onun
“kuklası”dır. İsabellanın bu qərarda əsas adlardan biri olması
təsadüf sayıla bilməz. O, erməni lobbisinin sifarişini yerinə
yetirən növbəti fransız deputatdır.
9. Frank Schwabe
Bu şəxslər arasında almaniyalı deputatın da adına rast gəlinir.
Onun tərcümeyi-halında yazılıb ki, o Osnabrück-də iqtisadiyyat,
Essen-də isə regional idarəetmə, tarix, siyasi elmlər və
sosiologiya sahəsi üzrə oxuyub. Lakin, reallıqda isə Schwabe təqdim
etdiyi ixtisaslar üzrə məzun olmayıb, proqramı bitirə bilməyib. Bu
fakt Bundestaqın rəsmi səhifəsində qeyd olunmayıb. O, hətta
vikipediya səhifəsinə “əl gəzdirərək” bu saxtakarlığı gizlətməyə
çalışsa da, jurnalistlər tərəfindən ifşa edilib.
Bəli, bütün sirlər çözülür deyə bilərik. AŞPA Almaniya da Fransa
tərəfindən idarə olunur və ölkəmizə qarşı qərəzli, böhtan
xarakterli addımların atılmasında almaniyalı deputatlar da baş
roldadırlar. Ona görə ki, Azərbaycan nümayəndə heyətinin
etimadnaməsinin qəbul edilməməsi ilə bağlı məsələni irəli sürən
əsas fiqurlardan biri məhz deputat Frank Schwabe olub.
Çox təəssüf ki, Angela Merkel, Gerhard Şröder, Helmut Kol,
Konrad Adenaur kimi rəhbərləri olmuş və öz müstəqil siyasəti ilə
Avropaya ağsaqqallıq etmiş Almaniya bugünkü gün dünyada nüfuzunu
itirən Fransanın oyuncağına çevrilib. Fransanın diktəsi ilə
Azərbaycana qarşı qərəzli məsələlər AŞPA-da gündəliyə gətirilir,
alman deputatlar da rəsmi Parisin niyyətini reallaşdırmağa çalışan
bir obraza çevrilir. Görünən odur ki, Fransa Almaniyanı idarə edir
və öz çirkin niyyətlərinin arxasınca aparır.
Ümumilikdə, Azərbaycan əleyhinə qərar qəbul edən əsas aparıcı
deputatların kimliyinə nəzər salanda aralarında diplomatdan çox
cinayətkarlığı, yalanı-böhtanı təbliğ edən, “killer” kimi sifariş
gözləyən bir toplum ada rast gəlirik ancaq. Məhz Fransa AŞPA
üzərindən bu cür adlar vasitəsi ilə Azərbaycana atəş açmağa çalışsa
da, rəsmi Paris unutmamalıdır ki, bu “tabel silahları” bir gün
özünə də atəş aça bilər.
Xatırlatmaq yerinə düşər ki, AŞPA-nın Azərbaycanın nümayəndə
heyətinin etimadnaməsini qəbul etməyərək bir il müddətində
Assambleyadan kənarlaşdırmağa qərar verməsi qərəz və erməni
təəssübkeşliyi fonunda baş tutdu. Yəni, AŞPA üçün Azərbaycandakı
insan hüquqları mövzusu daimi bəhanədir və qurum bunun üzərindən
Ermənistanın maraqlarını müdafiə etməyə davam edir. Beləcə, siyasi
məsələlərin həlli üçün keçmiş Qarabağ münaqişəsi zamanı özünü uyğun
platforma bilməyən AŞPA indi nədənsə, hüquqi, parlament
diplomatiyası istiqamətindən siyasi məcraya yönəlib.
[ad_2]
Source link
Leave a Reply