Bakı. Trend:
Kanada BMT-nin Yaxın Şərqdəki Fələstinli Qaçqınlara Yardım və
İşlər üzrə Agentliyinin (UNRWA) bəzi əməkdaşlarının HƏMAS ilə
əlaqəsi olduğuna dair şübhələr səbindən agentliyi maliyyələşdirməyi
dayandırıb.
Trend xəbər
verir ki, bunu Kanadanın beynəlxalq inkişaf naziri Əhməd Hussen
deyib.
Onun sözlərinə görə, Kanada hökuməti məsələ ilə bağlı ətraflı
araşdırma aparıldığı müddətdə “UNRWA”nı maliyyələşdirməyi
dayandırıb.
Nazir bildirib ki, Kanada hökuməti Qəzza zolağındakı humanitar
vəziyyətlə bağlı əvvəlki kimi narahatdır və bölgəyə sürətli,
davamlı və maneəsiz şəkildə humanita yardımın çatdırılmasına
çağırır.
