Bakı. Trend:
Fövqəladə Hallar Nazirliyinin (FHN) Böhran Vəziyyətlərində
İdarəetmə Mərkəzinə Sumqayıt şəhərində “Sumqayıt Aşqarlar” ASC-nin
yaxınlığında açıq ərazidə yanğın olması barədə ilkin məlumat daxil
olub.
Nazirlikdən Trend-ə verilən məlumata görə, məlumatla əlaqədar
FHN-nin Dövlət Yanğından Mühafizə Xidmətinin yanğından mühafizə
bölmələri çağırış üzrə cəlb olunublar. Yanğının müəssisənin
ərazisinə keçməsinin qarşısı alınıb.
FHN-dən bildirilib ki, yanğın Nazirliyin yanğından mühafizə
bölmələri tərəfindən söndürülüb.
