Naxçıvanda ağır yol-nəqliyyat hadisəsi baş verib, bir nəfər xəsarət alıb.
APA-nın Naxçıvan bürosu xəbər verir ki, hadisə Naxçıvan şəhəri Tumbul kəndində baş verib.
Naxçıvan şəhər sakini, 1991-ci il təvəllüdlü Əsgərov Tural Behbud oğlunun idarə etdiyi 75-BL-992 dövlət nömrə nişanlı “Hyundai” markalı avtomobil yoldan çıxaraq aşıb.
Qəza nəticəsində sürücü ciddi xəsarət alıb.
O, Naxçıvan Muxtar Respublika Xəstəxanasına yerləşdirilib, vəziyyətinin ağır olduğu bildirilir.
Faktla bağlı araşdırma aparılır.
