Moldova prezidenti Maia Sandu yenidən prezident seçiləcəyi təqdirdə hakim Fəaliyyət və Həmrəylik Partiyasının yaratdığı hökumətdə dəyişiklik edəcəyinə söz verib.
APA xəbər verir ki, Sandu bunu Moldova 1 telekanalında çıxışı zamanı deyib.
“Niyyətimiz yaxşı olsa da, çoxlu səhvlər etdik. Daha yaxşısını edənlər də var, pisləri də var. Düşünürəm ki, hökumət komandasında dəyişikliklərə ehtiyacımız var və bu, ilin sonuna qədər baş verməlidir”, – deyə o bildirib.
Sandunun sözlərinə görə, seçkiqabağı görüşlərdə vətəndaşlar tərəfindən ona çoxlu səhvlər göstərilib.
