Latviya hökuməti 841 Rusiya vətəndaşına ölkəni 13 oktyabra qədər tərk etməyi əmr edib.
APA xəbər verir ki, bu barədə “Politico” ölkənin Vətəndaşlıq və Miqrasiya İdarəsinə istinadən məlumat yayıb.
Məlumatda bildirilir ki, bunun səbəbi kimi rusların latış dilini bilmələrini təsdiqləyə bilməmələri və məcburi təhlükəsizlik yoxlamasından keçməmələri göstərilir.
13 Oktyabr tarixindən sonra onların ölkədə qalması qanunsuz hesab olunacaq.
Qeyd olunur ki, 2024-cü ildə Latviya ölkədə qalmaq istəyən Rusiya vətəndaşları üçün immiqrasiya qaydalarını sərtləşdirib.
