“Almaniya hökuməti İsrailə bəzi hərbi ixracatın dayandırılması qərarı ilə bağlı vəziyyəti yenidən qiymətləndirəcək”.
APA xəbər verir ki, bu barədə Almaniyanın maliyyə naziri Lars Klinqbeyl məlumat verib.
Avqustun 8-də Almaniya kansleri Fridrix Merz hökumətin Qəzza zolağında istifadə oluna biləcək hərbi texnikanın İsrailə ixracı üçün növbəti bildirişə qədər icazə verməyəcəyini açıqlayıb.
DPA xəbər agentliyinin məlumatına görə, Almaniya o vaxtdan bəri İsrailə silah ixracı üçün bir dənə də olsun icazə verməyib.
Klinqbeyl ARD televiziya kanalına verdiyi müsahibədə “Biz vəziyyəti yenidən qiymətləndirəcəyik”, – deyə bildirib.
