2025-ci il amnistiya təşəbbüsü Azərbaycanın tam suverenliyini qazanmasından sonra atılan ən böyük mənəvi və hüquqi addımdır. Suverenlik təkcə ərazi bütövlüyünün hərbi yolla bərpası deyil, həm də dövlətin öz vətəndaşına sahib çıxması, onun səhvlərini bağışlaya bilmək qüdrətidir. Prezident cənab İlham Əliyevin bu addımı göstərir ki, dövlət qazandığı böyük tarixi zəfərin sevincini cəzaçəkmə müəssisələrində islah olunan vətəndaşları ilə də bölüşür. Bu, milli həmrəyliyin ən ali formasıdır.
Heydər Əliyevin uzaqgörən siyasəti nəticəsində Azərbaycanın suverenliyinin hüquqi əsasları 1995-ci ildə qəbul edilmiş Konstitusiya ilə möhkəmləndirilmişdir. Ulu Öndər hər zaman qeyd edirdi ki, azad dövlətin vətəndaşı həm qanunlara sadiq, həm də daxilən azad olmalıdır. Onun başlatdığı amnistiya və əfv ənənəsi məhz bu mənəvi azadlığın təmin edilməsinə xidmət edirdi. Heydər Əliyevin hakimiyyəti illərində cəmiyyətdə barışın yaradılması üçün atılan addımlar bu gün Prezident cənab İlham Əliyev tərəfindən daha böyük miqyasda davam etdirilir.
Birinci vitse-prezident Mehriban xanım Əliyevanın fəaliyyəti nəticəsində Azərbaycanda dövlət və vətəndaş arasındakı etimad körpüləri daha da möhkəmlənib. Mehriban xanımın təşəbbüsü ilə həyata keçirilən humanitar layihələr və amnistiya aktları cəmiyyətdə sosial gərginliyi azaldaraq şəfqət və xeyirxahlıq mühitini təşviq etmişdir. Onun bu fəaliyyəti, suveren Azərbaycanın daxili sabitliyinin və xalq-iqtidar birliyinin mənəvi zəmanətidir.
Prezident cənab İlham Əliyevin bu təşəbbüsü suverenliyimizin tam bərpasını xalqımızın ən böyük qələbəsi kimi qiymətləndirərək irəli sürülüb. Layihəyə əsasən, 20 mindən çox şəxsin bu aktdan yararlanması Azərbaycanın daxili siyasətinin nə dərəcədə güclü və insanpərvər olduğunu göstərir. Bu amnistiya sadəcə cəzadan azad etmə deyil, həm də islah olunmuş vətəndaşların ölkəmizin gələcək inkişafına töhfə verməsi üçün yaradılmış geniş bir imkandır.
Prezident cənab İlham Əliyevin bu humanist addımı Azərbaycanın daxili gücünün və birliyinin təzahürüdür. Ulu Öndərin yolu ilə inamla irəliləyən Azərbaycan, həm hərbi sahədə, həm də humanizm müstəvisində öz qüdrətini təsdiqləyir. 2025-ci il amnistiyası hər bir azərbaycanlı üçün qürur və ümid mənbəyidir.
Yeganə Abdullayeva
Suraxanı rayonu S.Abdullayev adına 290 №li tam orta məktəbin direktoru
