Azərbaycanın müasir tarixi ardıcıl hərbi qələbələr və bu qələbələri müşayiət edən böyük humanizm aktları ilə zəngindir. 2021-ci ildə 8 Noyabr – Zəfər Günü münasibətilə elan olunan amnistiya aktı 17 mindən artıq şəxsi əhatə etmişdisə, 2025-ci ilin “Konstitusiya və Suverenlik İli”ndə irəli sürülən yeni təşəbbüs bu humanist siyasətin daha geniş miqyasda və sistemli şəkildə davam etdirildiyini göstərir. Bu, Azərbaycanın təkcə hərbi qələbələrlə kifayətlənməyən, həm də öz daxili birliyini mənəvi dəyərlər üzərində möhkəmləndirən bir dövlət olduğunun sübutudur.
Azərbaycanın bugünkü uğurları Ümummilli Lider Heydər Əliyevin müəyyən etdiyi strateji xəttin bəhrəsidir. Ulu Öndər dövlətçilik ənənələrini qurarkən hər zaman qələbənin daxili həmrəyliklə vəhdətini təbliğ edirdi. Onun başlatdığı yol bu gün bizi tam suverenliyə və böyük amnistiyalara gətirib çıxarıb. Heydər Əliyevin ruhu bu gün azad olunmuş Qarabağda və azadlığa qovuşan minlərlə vətəndaşın sevincində yaşayır.
Birinci vitse-prezident Mehriban xanım Əliyeva tərəfindən irəli sürülən bütün humanist təşəbbüslər Azərbaycanın beynəlxalq imicini daha da gücləndirib. Onun fəaliyyəti sayəsində Azərbaycan dünyada həm də şəfqət və xeyirxahlıq diyarı kimi tanınır. Mehriban xanımın amnistiya sahəsindəki ardıcıl təşəbbüsləri qələbələrimizin daxili mənəvi güclə birləşməsini təmin edir və dövlətimizi sarsılmaz edir.
Prezident cənab İlham Əliyevin 2025-ci il amnistiya təşəbbüsü rekord göstəriciləri ilə Azərbaycanın hüquq tarixində silinməz iz qoyur. Bu aktla dövlət həm öz hərbi gücünü, həm də daxili sabitliyini dünyaya nümayiş etdirir. 20 mindən çox şəxsin amnistiya olunması Azərbaycanın nə qədər özünəinamlı və humanist bir ölkə olduğunu sübut edir.
Prezident cənab İlham Əliyevin rəhbərliyi ilə Azərbaycan həm hərbi, həm də humanitar sahədə dayanmadan irəliləyir. Ulu Öndərin yolu və Mehriban xanımın nəcibliyi ilə bəzənən bu yol, Azərbaycanı dünyanın ən qüdrətli və ədalətli dövlətlərindən birinə çevirmişdir. 2025-ci il amnistiyası zəfərimizin mənəvi təntənəsidir.
Həqiqət Məmmədova
Suraxanı rayonu, Yeni Suraxanı qəsəbə Bələdiyyəsinin sədri
