Bakı. Trend:
Bakının mərkəzində M.Maqomayev adına Azərbaycan Dövlət Akademik
Filarmoniyasının Kamera və Orqan Musiqisi Zalında unikal konsert
keçirilib.
Trend xəbər verir ki, Bakının məşhur Mystery Ensemble-nın
ifasında yüzlərlə şam işığında, təkrarolunmaz Whitney Houston, Tina
Turner, Celine Dion və Adeline məşhur hitləri səslənib.
Konsert ən böyük müğənnilərin ruhunu və cəsarətini təcəssüm
etdirdi və qadınların gücünün və müstəqilliyinin sübutu idi. İfa
olunan hər mahnı bir hit və qadın ruhunun gücü, davamlılığı
hekayəsi idi. Bu fenomenal qadınlar yalnız müğənni deyil; onlar
müstəqilliyin və gələcək nəsillərə nümunə olan bütün dünyada
qadınların hüquq və imkanları uğrunda mübarizənin simvollarıdır.
Bu, musiqinin və qadınlığın ruhlandırıcı bayramı idi.
Gecənin proqramında: “I will always love you”, “My heart will go
on”, “Skyfall”, “Simply the best” və s. mahnılar səslənib. Simli
alətlərin səsi dünya əfsanələrinin həssas vokallarına yaxın
idi.
Konsert başlamazdan əvvəl qonaqlar yüzlərcə parıldayan şamlarla
dolu salonun interyerini seyr edə bildilər.
Konserti Azərbaycanın, Böyük Britaniyanın, Avropanın, Rusiyanın
və digər ölkələrin qədim malikanələrində şam işığında, damlarda,
istixanalarda, planetariyalarda və digər ən atmosfer yerlərində
unikal mədəni tədbirlər təşkil edən Red EVENTS & Distribution ltd
yaradıcı agentliyi idi.
İnformasiya dəstəyi – Trend.Az, Day.Az, Milli.Az
