Bakı. Trend:
İqtisadiyyat naziri Mikayıl Cabbarov Səudiyyə Ərəbistanının
energetika naziri Əbdüləziz bin Salman Əl-Səudla görüşərək iqtisadi
inkişaf hədəflərini müzakirə edib.
Trend xəbər verir ki, bu barədə Azərbaycanın baş iqtisadçısı
sosial şəbəkədə bildirib.
“Səudiyyə Ərəbistanı Krallığına səfərimiz çərçivəsində bu
ölkənin energetika naziri, Zati-aliləri Əbdüləziz bin Salman
Əl-Səud ilə görüşdə ölkələrimizin iqtisadi inkişaf hədəfləri,
energetika sahəsində birgə fəaliyyət və ortaq təşəbbüslərin
perspektivləri barədə fikir mübadiləsi apardıq”, – o qeyd edib.
