Bakı. Trend:
İngiltərə Premyer Liqasının qalibinə çempionluq kuboku sonuncu
turun oyunundan sonra veriləcək.
Trend İdman.biz-ə
istinadən xəbər verir ki, yarışın təşkilatçıları çempionatın
ənənəsinə sadiq qalacaq.
Premyer Liqanın qalibinin adına XXXVIII turda aydınlıq gələcək.
88 xala malik “Mançester Siti” “Vest Hem”i, iki xal geri qalan
“Arsenal” “Everton”u qəbul edəcək.
Hər iki komandanın 1-ci yeri tutmaq şansı olduğundan Premyer
Liqanın çempionluq kuboku iki matça da aparılacaq. Mükafatın
orijinalı Mançesterdə olacaq. Londona isə kubokun replikası
aparılacaq.
Qeyd edək ki, son turun matçları mayın 19-da keçiriləcək.
