Bakı. Trend:
Martın 9-da futbol üzrə İtaliya A Seriyasında növbəti turun
oyunları keçirilib.
Trend-in
məlumatına görə, turnir cədvəlinin lideri “İnter” bu dəfə səfərdə
“Boloniya”nı minimal hesabla məğlubiyyətə uğradıb – 1:0. Bu, Milan
təmsilçisinin çempionatda ardıcıl 10-cu, bütün turnirlərdə isə
13-cü qələbəsi olub. Bundan əlavə, Simone İnzaqinin yetirmələri
artıq 15 oyundur uduzmur.
Günün digər oyunlarında aşağıdakı nəticələr qeydə alınıb:
“Kalyari” – “Salernitana” – 4:2
“Sassuolo” – “Frosinone” – 1:1
“Cenoa” – “Monza” – 2:3.
Bu qələbədən sonra xallarının sayını 75-ə çatdıran “İnter” ən
yaxın izləyicisi “Yuventus”la xal fərqini 18-ə çatdırıb.
