Bakı. Trend:
Almaniya millisinin heyətində dünya çempionu olan Jerom
Boatenqin yeni klubu bəlli olub.
Trend İdman.biz-ə
istinadən xəbər verir ki, 35 yaşlı futbolçu Avstriyanın LASK
klubuna keçib.
Müdafiəçi növbəti 2 mövsümdə burada formasını geyinəcək. Boatenq
yeni komandasına azad agent olaraq keçib.
Qeyd edək ki, son klubu “Salernitana” olan futbolçu “Herta”,
“Hamburq”, “Mançester Siti”, “Bavariya” və “Lion” klublarının
şərəfini qoruyub.
