Bakı. Trend:
Bu gün Çempionlar Liqasında 1/4 final mərhələsinin ilk
oyunlarına yekun vurulub.
Trend İdman.biz-ə
istinadən xəbər verir ki, iki qarşılaşmadan biri Fransa, digəri
İspaniyada keçirilib.
“Barselona” Paris səfərində PSJ-ni məğlub edib. Məhsuldar keçən
qarşılaşma 3:2 hesabı ilə başa çatıb. Rafinya dubl edərək,
qələbənin qazanılmasında böyük rol oynayıb.
“Atletiko” isə Madriddə Dortmund “Borussiya”sından güclü olub.
2:1 hesabı ilə qalib gələn madridlilər Almaniyaya üstün
yollanacaqlar.
Qeyd edək ki, 1/4 finalın cavab oyunları aprelin 16-17-də
keçiriləcək.
Çempionlar Liqası
1/4 final, ilk oyunlar
10 aprel
23:00. PSJ – “Barselona” – 2:3
Qollar: Dembele, 48. Vitinya, 52 – Rafinya, 37; 62.
Kristensen, 77
23:00. “Atletiko” – “Borussiya” D – 2:1
Qollar: De Paul, 4. Lino, 32 – Haller, 81
