Bakı. Trend:
ABŞ ordusu Suriyada İŞİD-in yüksək rütbəli nümayəndəsini məhv
edib.
Trend-in
məlumatına görə, bu barədə ABŞ Silahlı Qüvvələrinin Mərkəzi
Komandanlığı (CENTCOM) “X” sosial şəbəkəsində bildirib.
“İyunun 16-da Mərkəzi Komandanlıq Suriyada İŞİD-in yüksək
rütbəli funksioneri Usamə Camal Məhəmməd İbrahim əl-Cənabini hava
zərbəsi nəticəsində məhv edib”, – deyə bildirilib.
Qeyd olunub ki, “onun ölümü təşkilatın resursları təmin etmək və
terror hücumları həyata keçirmək qabiliyyətini sarsıdacaq”.
Məlumata əsasən, zərbə nəticəsində mülki əhalinin tələfatı
barədə məlumat daxil olmayıb.
