Bakı. Trend:
Avropa İttifaqı minatəmizləmə məsələsində Azərbaycanın ən böyük
dəstəkçisidir.
Trend xəbər verir ki, bunu Aİ-nin Siyasi və Təhlükəsizlik
Komitəsinin sədri Delfin Pronk deyib.
“Durumu dəyişə biləcəyimizlə fəxr edirəm: minaların
təmizlənməsinə gəldikdə, Aİ Azərbaycanın ən böyük dəstəkçisidir. Aİ
qadınlardan ibarət minatəmizləmə komandasının hazırlanması ilə
qadınların təhlükəsizlikdə oynadığı rolu artırmağa kömək edir”, –
sədr bildirib.
Bundan əlavə, Pronk bildrib ki, regionda sülhün və sabitliyin
təmin edilməsi üçün konkret addımların atılmasının vaxtı çatıb və
Aİ əməkdaşlığı dərinləşdirməyə və sülh səylərini dəstəkləməyə davam
etməyə hazırdır.
